Səudiyyə Ərəbistanının Ciddə şəhərində Birinci Dünya müharibəsinin bitməsi münasibətilə təşkil olunan mərasimdə partlayış baş verib.

Bu barədə “France-24” Fransa Xarici İşlər Nazirliyinə istinadla xəbər yayıb.

Bildirilir ki, Fransa, Yunanıstan, İtaliya, Britaniya və ABŞ-dan olan diplomatların iştirak etdiyi mərasim qeyri-müsəlmanların dəfn olunduğu qəbiristanlıqda keçirilib.

İlkin məlumatlara görə, bir neçə yaralı var.

Səudiyyə Dövlət Televiziyası hələ ki məlumatı təsdiqləməyib.