"Nəqliyyat sektorunun karbonsuzlaşdırılmasında dəmiryol sektoru mühüm rol oynayır. Azərbaycanda orta göstəricilər yüksəkdir, son 20-25 ildə həm nəqliyyat, həm də yükdaşımalarda tələbat artmaqdadır. Burada vacib şərt dəmiryolundan geniş istifadə etmək və rəqəmsallaşdırmaqdır".
Xeber-ps.com xəbər verir ki, bu fikirləri "Gələcək üçün dayanıqlı nəqliyyat" adlı tədbirdə Asiya İnkişaf Bankının Nəqliyyat üzrə direktoru Ceyms Leder deyib.
O bildirib ki, dəmiryolunu aşağıkarbonlu nəqliyyat vasitələri üzrə ilk pilləyə çıxarmaq investisiyaları cəlb etməyə səbəb olacaq:
"Dəmiryolunun emissiyalarını azaltmaq üçün Asiya İnkişaf Bankı müxtəlif həllərdən istifadə edəcək".
Ceyms Leder çıxışı zamanı qlobal miqyasda dəmir yolu sistemlərinin dekarbonizasiyası istiqamətində görülən təşəbbüslərdən danışıb, ADY-də onun reallaşdırılmasının gətirəcəyi faydaları qeyd edib.
Məhərrəm Əliyev