Salyan sakinini qətlə yetirməkdə şübhəli bilinən şəxs saxlanılıb.
DİN-in mətbuat xidmətinin Şirvan regional qrupundan "Report"a bildirilib ki, oktyabrın 19-da saat 21:00 radələrində Salyan rayon sakini Əziz Salayevin baş nahiyəsindən aldığı xəsarətlər nəticəsində ölməsi barədə Polis Şöbəsinə məlumat daxil olub.
Şöbə əməkdaşları tərəfindən keçirilən tədbirlərlə hadisəni törədən, əvvəllər məhkum olunmuş, 1977-ci il təvəllüdlü E.Səmədov saxlanılıb.
Araşdırmalar aparılır.
Salyan sakini döyülərək öldürülüb.
"Report"un məlumatına görə, hadisə şəhərin T.Xəlilbəyli küçəsində qeydə alınıb.
Rayon sakini, 1973-cü il təvəllüdlü Əziz Sərvənəli oğlu Salayevin meyiti həmin küçədə aşkarlanıb. Hadisə yerinə hüquq-mühafizə orqanları cəlb olunub.
İlkin məlumata görə, Ə.Salayevin döyülərək öldüyü bildirilir.
Hadisənin əsl səbəbi isə aparılan araşdırmalardan sonra məlum olacaq.
