Birləşmiş Millətlər Təşkilatının (BMT) baş katibinin birinci müavini Əminə Məhəmməd gələn həftə Azərbaycana səfər edəcək.
Bu barədə BMT baş katibinin sözçüsü Stefan Dujarrik "Report"a açıqlamasında bildirib.
Mətbuat katibi qeyd edib ki, Əminə Məhəmməd COP29 konfransından əvvəl, yəni 10-11 oktyabr tarixlərində Bakıda keçiriləcək tədbirdə iştirak edəcək:
"Səfər çərçivəsində baş katibin birinci müavini Bakıda Azərbaycanın dövlət və hökumət rəsmiləri, COP29 çərçivəsində bir çox üzv dövlətlərin nümayəndə heyətlərinin üzvləri ilə görüşlər keçirəcək. Görüşlərdə COP29 hazırlıqları və müxtəlif mövzularda fikir mübadiləsi aparılacaq. Ə.Məhəmməd 11 oktyabrda Nyu-Yorka dönəcək", - sözçü bildirib.
