Səkkiz yaşlı Zəhranın yardımsevər şəxslərin dəstəyinə ehtiyacı var.

Bu barədə Xeber-ps.com-a onun anası Yeganə Xəlilova məlumat verib.

O bildirib ki, övladı serebral-iflic xəstəliyindən əziyyət çəkir:

"Zəhranın səkkiz yaşı var. O, doğulan zaman hər şey normal olsa da, 10-15 gün sonra onun səhhətində həkim məsuliyyətsizliyindən ciddi problem yarandı. Zəhranın xəstəliyini bildiyimiz gündən onun müalicəsini vaxtlı-vaxtında etmişik, reabilitasiyaları etdirmişik. Bir neçə ay əvvəl onun vəziyyəti ağırlaşdı, hərarəti qalxdı. Zəhra həmin dövrdə uzun müddət xəstəxanada qaldı, müalicə olundu. O dövrdə kliniki ölüm keçirdi, amma çox şükür ki, onu geri qaytara bildik".

Gənc ana övladının müalicəsi üçün dəstəyə ehtiyacları olduğunu deyib:

"Bu günə qədər Zəhranın müalicəsi üçün əlimizdən gələn hər şeyi etmişik. Hazırda onun üçün "Atsos" aparatı almalıyıq, müalicələrini etməliyik. Aparatın qiyməti 900 manat, müalicənin ilkin mərhələsi üçün isə 600 manata ehtiyacımızı var. Yardımsevər şəxslərdən bizə dəstək olmaqlarını, Zəhranın yanında olmaqlarını xahiş edirəm".

Ailə ilə əlaqə: (055) 602-27-63.

Kapital Bank: 4169 7388 8428 0474.