Bakının mərkəzində, Ziya Bünyadov prospekti, 3-cü mikrorayon dairəsi istiqamətində olan köməkçi yolun hərəkət hissəsində mövcud olan çuxur həm sürücülərin həyatı üçün təhlükə yaradır, həm də avtomobillərə ciddi ziyan dəyir.

Xeber-ps.com xəbər verir ki, bununla bağlı sosial şəbəkədə videogörüntü yayımlanıb.

Vəziyyətdən narahat olan sürücü bildirib ki, həmin yerdən saatda 10 km/saatla keçsən belə, avtomobilin alt hissəsi yerə dəyir, avtomobillər sıradan çıxır.

Yola nabələd sürücünün o çökəkdən gəldiyi sürətlə keçməsi isə faciəyə səbəb ola bilər.

Məsələ ilə bağlı Azərbaycan Avtomobil Yolları Dövlət Agentliyinə (AAYDA) sorğu ünvanladıq.

Qurumun mətbuat xidmətinin rəhbəri Anar Nəcəfli Xeber-ps.com-a açıqlamasında bildirib ki, qurum vəziyyətdən xəbərdardır.

"Sözügedən ünvana əməkdaşlarımız baxış keçirəcəklər və problem həll olunacaq", - deyə A.Nəcəfli deyib.

Əzizə İsmayılova