Bakıda alatoran vaxtı "Alov Qüllələri" binaları arasında çəkilən ip üstündə gəzən kəndirbaz sakinlərin diqqətini çəkib.

Xeber-ps.com xəbər verir ki, bununla bağlı sosial şəbəkədə videogörüntü yayılıb.

Məsələnin nə olduğunu bilməyən sosial şəbəkə istifadəçiləri arasında panika yaranıb.

Məsələni araşdırmaq üçün "Alov Qüllələri" ilə əlaqə saxladıq.

Qurumun satış və marketinq direktoru Doğu Yaman Xeber-ps.com-ın sorğusuna cavab olaraq enerji içkisi şirkətlərindən birinin Azərbaycan və Bakının qlobal tanıtımı üçün Dövlət Turizm Agentliyinin dəstəyi ilə reklam çarxı çəkdiyini bildirdi. Onun sözlərinə görə, "ip üzərində akrobatika" səhnəsi videoçarxın bir hissəsi olacaq.

Məsələ ilə bağlı həm də Dövlət Turizm Agentliyi ilə əlaqə saxladıq.

Agentliyin Mətbuat Xidmətindən Xeber-ps.com-ın sorğusuna cavab olaraq kəndirbazlıq səhnəsinin videoçarx üçün çəkildiyi təsdiqlədi.

Əzizə İsmayılova