İspaniyanın "Barselona" futbol klubu Almaniyanın "Leypsiq" klubunun yarımmüdafiəçisi Dani Olmo ilə müqavilə imzalayıb.

Xeber-ps.com xəbər verir ki, bu barədə "Barselona"nın mətbuat xidməti məlumat yayıb.

Futbolçu ilə müqavilə 2030-cu ilin iyunun sonuna kimi nəzərdə tutulub.

Almaniyada keçirilən son Avropa çempionatında Olmo İspaniya millisinin heyətində altı oyun keçirib, bu oyunda üç qol vurub və iki məhsuldar ötürmə edib. Beş oyunçu ilə birlikdə Olmo "Turnirin ən yaxşı bombardiri" mükafatını alıb. İspaniya yığması finalda ingilislərə qalib gələrək (2:1) Avropa çempionu olub.

Olmo 26 yaşındadır və 2020-ci ildən Leypsiqdə çıxış edir. O, Almaniya klubunda ümumilikdə 148 oyun keçirib, bu oyunda 29 qol vurub və 34 məhsuldar ötürmə edib. Klubla birlikdə iki dəfə Almaniya kubokunu, bir dəfə ölkə Superkubokunu qazanıb. Futbolçu əvvəllər Xorvatiyanın "Dinamo"sunda çıxış edib. Olmo 2007-2014-cü illərdə "Barselona"nın gənclərdən ibarət komandalarında çıxış edib.

İspaniya millisinin heyətində yarımmüdafiəçi 39 oyun keçirib, 11 qol vurub və doqquz məhsuldar ötürmə edib. Futbolçu 2024-cü il Avropa çempionatının qalibi olmaqla yanaşı, milli komandanın tərkibində Millətlər Liqasının da (2023) qalibi olub.