İyunun 4-də Səbail rayonunda yerləşən idman arenalarının birindən 30 000 manat dəyərində 1200 metr mis kabel oğurlanıb.

Xeber-ps.com xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, Səbail Rayon Polis İdarəsinin 41-ci Polis Bölməsinin əməkdaşlarının həyata keçirdikləri tədbirlərlə oğurluq əməlini törətməkdə şübhəli bilinən 1992-ci il təvəllüdlü Kamran Abduhəlimli müəyyən olunaraq saxlanılıb.

Qeyd edilib ki, həmin şəxs oğurluq olan məkanda bağban işləyib.

Faktla bağlı araşdırma aparılır.