“Beşiktaş”ın baş məşqçisi Fernando Santosun klubda gələcəyi sual altına alınıb. Son dörd oyunda üç məğlubiyyət, bir heç-heçə edən “qara qartal” həm azarkeşləri, həm də rəhbərliyi hiddətləndirib.

Santos bura layihə üçün gəldiyini, “Beşiktaş”ın növbəti mövsümünü planlaşdırdığını desə də, hazırda rəhbərliyin ona olan güvəni tamamilə azalıb. Mövsümün sonunda portuqaliyalı məşqçiyə əvəzləyici axtarışına başlanılıb. Klub Fernando Santosla ən geci mayda yollarını ayıracaq.

Beşiktaşda Fernando Santosun yerinə baş məşqçi postuna iki namizəd önə çıxır. Bunlardan birincisi Bundesliqa təmsilçisi “Borussia Dortmund”un məşqçisi və mövsümün sonunda Almaniya komandasını tərk edəcəyi gözlənilən Edin Terziçdir.

Namizədlərdən digəri isə “Qarabağ”da və Azərbaycan futbolunda iz qoyan, Avropada adından söz etdirən 51 yaşlı azərbaycanlı məşqçi Qurban Qurbanovdur.

Mənbə: Sabah.com.tr