Polis əməkdaşları Xankəndidə avtomat və qumbaralar aşkarlayıblar.

Bu barədə Daxili İşlər Nazirliyinin (DİN) Mətbuat xidmətindən məlumat verilib.

Bildirilib ki, keçirilən tədbirlərlə fevralın 13-də Xankəndi şəhəri ərazisində altı ədəd müxtəlif markalı avtomat, iki tapança, səkkiz ədəd müxtəlif markalı tüfəng, yeddi ədəd qumbara, dörd alışdırıcı, 50 ədəd patron darağı, 1 770 ədəd müxtəlif çaplı patron və digər sursat aşkar olunaraq götürülüb.