“Yanğın binanın dam örtüyünü əhatə edib və ikinci mərtəbədəki mənzillərə ziyan dəyib”.

Oxu Az xəbər verir ki, bunu Sumqayıt şəhər yanğından mühafizə İdarəsinin rəisi polkovnik Mirfuad Mahmudov deyib.

O bildirib ki, yanğın barədə məlumat axşam saat 22:48 radələrindən 112 qaynar xəttə Sumqayıt dövlət texniki kollecində yanğın olması barədə məlumat daxil olub:

“Dərhal əraziyə canlı qüvvə və texnika cəlb edilib. İlkin olaraq binadakı sakinlər təxliyə edilib. Xəsarət alan olmayıb. Dam örtüyünün sahəsi təqribən 200-300 kvadratmetr civarındadır. Bu ilkin məlumatdır. Sumqayıt şəhər yanğından mühafizə İdarəsinin və Sumqayıt regional mərkəzin qüvvələri tərəfindən ərazidə yanğın söndürülüb. Soyutma işləri davam etdirilir”.

Könül Cəfərli