"Disney", "Buz dövrü 6" (Ice Age 6) üzərində işlədiyini açıqlayıb.

Xeber-ps.com xəbər verir ki, bu barədə məlumat "D23 Brasil" festivalı zamanı verilib.

Qeyd olunur ki, cizgi filmində franşizanın bütün əsas personajları yer alacaq. Aktyorlar Rey Romano, Con Leqizamo, Kuin Latifa, Denis Liri və Saymon Peqq rollarını təkrar canlandıracaqlar.

"Disney" artıq istehsalda olan cizgi filminin loqotipini təqdim edib. Onun relizi 2026-cı ildə baş tutacaq. Dəqiq tarix daha sonra açıqlanacaq.

Franşıza üzrə əvvəlki cizgi filmi, "Buz Dövrü: Bakın macəraları" spin-offu 2022-ci ildə çıxıb. "Toqquşma qaçılmazdır" adlı beşinci hissənin buraxılışı 2016-cı ildə baş tutub. Beləliklə, altıncı film əvvəlki filmdən 10 il sonra ekranlara çıxacaq.

Xatırladaq ki, franşizanın başlanğıcını qoyan "Buz dövrü"nün birinci hissəsi 2002-ci ildə təqdim olunub. Animasiya filmi "Blue Sky" studiyasının debütü idi. "Disney", Covid-19 pandemiyası ilə bağlı çətinliklər fonunda 2021-ci ildə studiyanı bağlayıb.