AFFA (Azərbaycan Futbol Federasiyaları Assosiasiyası) "Turan Tovuz" klubunun stadionunda süni ot örtüyünün təbii ot örtüyü ilə əvəzlənməsi üçün maddi vəsait ayrılması barədə tapşırıq verib.

Xeber-ps.com-ın əldə etdiyi məlumata görə, klub və federasiya rəsmiləri arasında danışıqlar yekunlaşıb.

Tovuz şəhər stadionunda ot örtüyünün yenidənqurma işlərinin nə vaxt başlanacağı barədə isə dəqiq məlumat verilməyib. Hazırda qərb təmsilçiləri - "Kəpəz" və "Turan Tovuz" klubları ev oyunlarını Tovuz şəhər stadionunda keçirirlər.

Qeyd edək ki, süni ot örtüyünün təbiisi ilə əvəzlənməsi minimum iki ay müddət tələb edir.