"Yaxın keçmişdə Ermənistan rəsmilərinin KTMT-nin (Kollektiv Təhlükəsizlik Müqaviləsi Təşkilatı - red.) bu ölkədən çıxması barədə açıqlamalarını xatırlayıram və onlardan soruşmaq istəyirəm. Məgər KTMT Ermənistana qayıdıb ki, indi də Ermənistan KTMT-dən çıxmaq istəyir?".

Bunu Rusiya Xarici İşlər Nazirliyinin sözçüsü Mariya Zaxarova ənənəvi brifinq zamanı news.ru-nun sualını cavablandırarkən bildirib.

"Bu söz oyunu ilə nə qədər desəniz məşğul olmaq olar. Amma bu çox ləyaqətsiz və ucuz hərəkətdir. Dövlətlərin strateji maraqları var. Regionun hələ də vidalaşa bilmədiyi problemlər var. Belə şəraitdə Ermənistan ilk növbədə regionda təhlükəsizlik və sabitlik yaratmaq, bu əsasa dayanan mülki infrastruktur qurmaq barədə düşünməlidir ", - deyə Zaxarova bəyan edib.

O qeyd edib ki, regionun parlaq gələcəyi üçün bu problemləri həll etmək lazımdır.

"Cənubi Qafqazın yeni çoxqütblü dünyanın mərkəzlərindən biri olmaq üçün bütün imkanları var. Lakin bunun üçün mövcud problemlər arxada qalmalıdır", - Zaxarova əlavə edib.