Özünü pis hiss edən məktəbli dərs zamanı ölüb.

“RİA Novosti”nin məlumatına görə, faciə Rusiya paytaxtında baş verib.

Uşaq idman dərsində huşunu itirib. Təcili yardım maşını 10 dəqiqə ərzində gəlsə də, uşağın həyatını xilas etmək mümkün olmayıb.

İlkin ehtimallara görə, 11 yaşlı məktəblinin ölümünə səbəb ürəyinin dayanması olub.

Beşinci sinif şagirdinin ölümünün dəqiq səbəbi ekspertizadan sonra müəyyənləşəcək.

İstintaq komitəsi yoxlamalara başlayıb.