İndoneziyada ata və ana qızlarının sevgilisini adəti pozduğu üçün cəzalandırıb. 

Bununla bağlı “Daily Mail” məlumat yayıb. 

20 yaşlı Delsiana Bebenin valiydenləri qızlarının adətə riayət etməyərək, onlardan razılıq almadan 23 yaşlı Mario Natriti ilə münasibət qurmasından qəzəblənib. Qız ata və anası tərəfindən evə göndərilib. Oğlan isə həmin şəxslər tərəfindən başı aşağı sallanmağa məcbur edilib. 

Mario 30 dəqiqə müddətində bu vəziyyətdə qaldıqdan sonra yorğunluqdan yerə yıxılıb. O, güclü baş ağrısı ilə xəstəxanaya yerləşdirilib. Marionun anası məsələ ilə bağlı polisə müraciət edib.