Futbol üzrə İspaniya çempionatında yeni mövsümün startı təxirə salınıb.
Bu barədə “Futbol Espana” xəbər verib.
La Liqada yeni mövsümünün ilk oyunu sentyabrın 11-də “Qranada” ilə “Atletik” arasında olmalı idi.
Lakin qeyd olunan tarix İspaniya Futbol Federasiyasını qane etməyib və apellyasiya məhkəməsi qurumun şikayətinə müsbət cavab verib.
Qeyd edək ki, La Liqanın prezidenti Xavyer Tebas matçların çərşənbə axşamı və cümə günü keçirilməsində maraqlıdır, lakin bu təşəbbüs federasiya tərəfindən dəstəklənmir.
Son qərara əsasən, “Qranada” - “Atletik” qarşılaşması sentyabrın 12-nə təxirə salınıb.
