İngiltərənin Baş naziri Boris Consonun sabah britaniyalara müraciət edəcəyi və ölkədə ümumi “lokdaun” rejimini elan edəcəyi gözlənilir.

Bu barədə “The Sun” nəşri məlumat yayıb.

“Baş nazir əmindir ki, COVID-19-a yoluxmanın sayının artmasını dayandırmaq, səhiyyə xidmətini qorumaq və insanların həyatını xilas etmək üçün sərt addımlar atılmalıdır”, - nəşrin mənbədən əldə etdiyi açıqlamada qeyd olunur.

Xatırladaq ki, Böyük Britaniya koronavirus infeksiyasından ən çox zərər çəkən ölkələr sırasındadır.

Son məlumata əsasən, bu günə qədər iki milyondan çox britaniyalının COVID-19- yoluxduğu məlum olub, 75 mindən çox insan pandemiyanın qurbanı olub.