Sentyabrın 18-də Suriya Ərəb Respublikasının ərazisində yerləşən düşərgələrdə saxlanılan, dördü uşaq, biri kişi, biri isə qadın olmaqla altı Azərbaycan vətəndaşının ölkəmizə repatriasiyası həyata keçirilib.

Xeber-ps.com xəbər verir ki, bu barədə Ombudsman Aparatı məlumat yayıb.

Azərbaycan Respublikasının İnsan Hüquqları üzrə Müvəkkilinin (Ombudsmanın) nümayəndələri həmin repatriantlarla görüşərək hüquqlarının təmini vəziyyətini araşdırıblar.

Repatriantlarla görüş zamanı onların ümumi vəziyyəti qiymətləndirilib, problemləri və ehtiyacları öyrənilib, hüquqlarının müdafiəsi ilə bağlı tövsiyələr verilib.

Görüş çərçivəsində, həmçinin, repatriantlara müvəkkilə müraciət imkanları barədə məlumat verilib.