Ayrı-ayrılıqda yatmaq orta yaşlı cütlüklərin, eləcə də ayıq yatanlar və müəyyən temperaturda dincəlməyə öyrəşmiş cütlüklərin münasibətlərini gücləndirə bilər. Bunu ABŞ-nin Şimali Dakota Yuxu Mərkəzinin tibbi direktoru Sima Hosla bildirib.

Həkim izah edib ki, yeddi-səkkiz saat keyfiyyətli yuxu cütlük münasibətlərini gücləndirmək üçün son dərəcə vacibdir.

Bəzi araşdırmalar göstərir ki, xroniki olaraq yuxusuzluqdan əziyyət çəkən və ya yuxusu zəif olan insanlar partnyorları ilə münaqişələrə daha çox meyillidirlər.

Xoslanın sözlərinə görə, xoruldama, diksinmə, yorğan üçün "mübarizə" və s. həssas yuxusu olan insanların həyat keyfiyyətini əhəmiyyətli dərəcədə pisləşdirə bilər. Belə çətinliklərlə qarşılaşdıqda cütlüklərə ayrı yatmaq tövsiyə edilir.

Mənbə: gazeta.ru