Bişkekin mərkəzində toplanan müxalifətçilər və Qırğızıstan Baş naziri Sadır Japarovun tərəfdarları, Qırğızıstanın Prezidenti Sooranbay Jeenbekovun istefa gedəcəyi günə qədər paytaxt küçələrini tərk etməkdən imtina ediblər.

“Sputnik” Qırğızıstan xəbər verir ki, bununla belə bir müddət sonra etirazçılar dağılışıb və şəhərdəki vəziyyətin normallaşdığı bildirir.

Bu fonda prezidentin mətbuat xidməti təhlükəsizlik və ictimai asayişin qorunması məsələlərində məsuliyyətin tam olaraq yeni hökumətin üzərinə düşdüyünü açıqlayıb.