Fuad Əliyev: Hələ də razılaşdırılmamış bir sıra məsələlər açıq qalıb

“Bu il sülh müqaviləsinin imzalanmasını gözləmirəm”

Azreform.info xəbər verir ki, bunu jurnalistlərlə söhbətində prezidentliyə eks-namizəd, politoloq Fuad Əliyev sülh müqaviləsinin ilin sonuna qədər bağlanıb, bağlanmayacağı ilə bağlı sualı cavablandırarkən söyləyib.

Onun sözlərinə görə, hər iki tərəfin rəsmilərin mətbuata verdikləri bəyanatlarda sülh  müqaviləsinin hazır olmadığını bildirirlər:

“Ermənistan parlamentinin spikeri Alen Simonyanın yaxın 15 gün ərzində sülh müqaviləsinin imzalanmasının mümkün olduğunu deyib. Rəsmi Bakının sülh müqaviləsi ilə bağlı təkliflərində hələ də razılaşdırılmamış bir sıra məsələlər açıq qalıb. Ermənistan delimitasiya ilə bağlı olan işçi qrupunun görüşünü təklif edib. Əvvəlki görüşlərdə bəzi məsələlər razılaşdırılıb. Buna baxmayaraq, bu məsələdə konkret bir irəlləyiş yoxdur”.

 

Fuad Əliyev hesab edir ki, Azərbaycanda artıq növbədənkənar prezident seçkilərinə start verilib. Bütün diqqət seçkilərədir. Ona görə də bu il sülh müqaviləsinin imzalanması inandırıcı deyil.

 

 

0.38817691802979