Rusiyanın Kazan şəhərində döyülərək həbs edilən iki iranlı tələbə azadlığa buraxılıb.
Bu barədə "Azad İran" "Telegram" kanalı xəbər verir.
Məlumata görə, bu barədə İranın Rusiyadakı səfiri Kazım Cəlali açıqlama verib.
Səfir İranın Kazandakı baş konsulu Davud Mirzəxani ilə gecə yarısına qədər danışıqlarından sonra bildirib ki, tələbələrin gözlərinin ətrafında qançırlar istisna olmaqla, sağlamlıq durumları yaxşıdır.
Səfirin sözlərinə görə, iranlı tələbələrə vizaların verilməsi məsələsi asanlaşdırılacaq.
Xatırladaq ki, ötən gün Kazan Universitetində vizaların yenilənməsi zamanı tələbələr arasında münaqişə baş verib. Daha sonra isə polisin hadisə yerinə gəlməsi ilə qarşıdurma böyüyüb və iranlı tələbələrin həbsi ilə nəticələnib.
İran Rusiya Xarici İşlər Nazirliyinə etiraz notası göndərib.
Bu barədə "Azad İran" "Telegram" kanalı xəbər verir.
Məlumata görə, Rusiyanın Kazan şəhərində iki iranlı tələbə polis tərəfindən döyülərək saxlanılıb.
Qeyd olunur ki, Kazan Federal Universitetində vizaların yenilənməsi zamanı tələbələr arasında dava baş verib və hadisə yerinə polis gəlib.
Polisin olması və iranlı tələbələrin israrlı davranışları mübahisənin davam etməsinə və tələbələrin hüquq-mühafizə orqanlarının əməkdaşları tərəfindən döyülməsinə səbəb olub ki, nəticədə onlardan ikisi həbs edilib.
İranın Kazandakı Baş Konsulluğu polis tərəfindən iranlı tələbələrə qarşı kobud rəftar və yerli polisin qeyri-peşəkar davranışı ilə bağlı Rusiya Xarici İşlər Nazirliyinə etiraz notası göndərib.
